ایشیا کپ سپر فور راؤنڈ: بنگلہ دیش نے سری لنکا کو دلچسپ مقابلے کے بعد شکست دے دی
ایشیا کپ سپر فور راؤنڈ کے پہلے مقابلے میں بنگلہ دیش نے دلچسپ اور سنسنی خیز مقابلے کے بعد سری لنکا کو 4 وکٹوں سے شکست دے دی ہے۔
دبئی انٹرنیشنل کرکٹ اسٹیڈیم میں کھیلے گئے میچ میں سری لنکا نے بنگلہ دیش کو 169 رنز کا ہدف دیا، جسے بنگال ٹائیگرز نے 6 وکٹوں کے نقصان پر ایک گیند قبل ہی حاصل کر لیا۔
بنگال ٹائیگرز کے سیف حسن نے شاندار 61 اور توحید ہردوئے 58 رنز کی اننگز کھیل ٹیم کی جیت میں اہم کردار ادا کیا، لٹن داس 23 رنز بنا کر نمایاں رہے۔
سری لنکا کی جانب سے داسن شناکا اور وانندو ہاسارنگا نے 2،2 وکٹیں اپنے نام کیں۔
اس سے قبل سری لنکا نے پہلے بیٹنگ کرتے ہوئے7 وکٹوں کے نقصان پر 168 رنز بنائے، داسن شناکا نے37 گیندوں پر 64 رنز کی ناٹ آؤٹ اننگز کھیلی۔
کوسال مینڈس 34 رنز بنا کر نمایاں رہے، اوپنر بلے باز پاتھم نیسانکا 22 رنز بنا کر تسکین احمد کا شکار بنے جبکہ کوسال مینڈس 34 رنز بنا کر پویلین واپس لوٹے، کوسال پاریرا 16 اور کمل مشارا 5 رنز بنا کر آؤٹ ہوئے۔
بنگلہ دیش کے مستفیظ الرحمٰن نے 19 رنز کے عوض 3 وکٹیں اپنے نام کی، مہدی حسن 2 اور تسکین احمد نے ایک وکٹ حاصل کی۔
خیال رہے کہ سپر فور راؤنڈ کا دوسرا مقابلہ 21 ستمبر کو روایتی حریف پاکستان اور بھارت کے درمیان دبئی میں کھیلا جائے گا۔
لائیو ٹی وی