قومی، بلوچستان اسمبلیوں کے اجلاس؛ بی این پی کا بائیکاٹ
بلوچستان نیشنل پارٹی (بی این پی) کے سربراہ سردار اختر مینگل فائل فوٹو۔۔۔۔۔
کوئٹہ: بلوچ نیشنل پارٹی مینگل کے ترجمان ثناءاللہ بلوچ کے مطابق بی این پی مینگل نے آج ہونے والے بلوچستان اور قومی اسمبلیوں کے اجلاس کے بائیکاٹ کا اعلان کردیا ہے۔
انہوں نے کہا کہ آج بی این پی مینگل کے سربراہ اختر مینگل، ایم پی اے، میر حمل کلمتی اور ممبر قومی اسمبلی عیسی نوری حلف نہیں لیں گے۔
بی این پی کے ترجمان نے کہا کہ بائیکاٹ کا فیصلہ حالیہ انتخابات میں مبینہ دھاندلی کےخلاف کیا ہے۔
انہوں نے کہا کہ ہمارے امیدواروں کی کامیابی کو شکست میں تبدیل کیا گیا ہے۔
ثناء اللہ بلوچ کا مزید کہنا تھا کہ پی این پی مینگل کی مرکزی مجلس عاملہ کااجلاس دو جون کوطلب کیا گیا ہے، جس میں آئندہ کا لائحہ عمل طے کیا جائے گا۔
لائیو ٹی وی