پاکستان کے معروف فیشن برانڈ ’حسن شہریار یاسین‘ (ایچ ایس وائے) نے اپنے کاروبار کے 24 سال مکمل ہونے پر لاہور کی تاریخی عمارت میں سولو فیشن شو کا انعقاد کیا۔

اس فیشن شو کی خاص بات یہ تھی کہ اس میں کافی عرصے بعد معروف اداکارہ ریما نے بھی ریمپ پر واک کی، جب کہ سولو شو میں دیگر ماڈلز نے بھی دیدہ زیب ملبوسات کی نمائش کی۔

سولو شو میں نہ صرف ایچ ایس وائے کے روایتی لباس متعارف کرائے گئے، بلکہ اس منفرد فیشن شو میں شاعری و موسیقی کا بھی اہتمام کیا گیا۔

ایچ ایس وائے کی جانب سے برانڈ کو 24 سال مکمل ہونے پر لاہور کی 250 سال پرانی تاریخی نجی حویلی ’واجد شاہ حویلی‘ میں سولو شو کا انعقاد کیا گیا۔

سولو فیشن شو میں نہ صرف اداکارہ ریما طویل عرصے بعد فیشن شو میں نظر آئیں، بلکہ اس میں نادیہ حسین، زینب قیوم، نتاشہ حسین اور عبداللہ اعجاز بھی ملبوسات کی نمائش کرتے نظر آئے۔

ریما نے فیشن شو کے دوران ایچ ایس وائے کی ہی میرون رنگ کا لباس زیب تن کیا، جس وجہ سے وہ کافی پرکشش دکھائی دیں۔