ایپل کا آئی فون ایکس میں سنگین ہارڈوئیر مسئلے کا اعتراف

15 نومبر 2018

ای میل

آئی فون ایکس، آئی فون 8 اور 8 پلس — فوٹو بشکریہ ایپل
آئی فون ایکس، آئی فون 8 اور 8 پلس — فوٹو بشکریہ ایپل

ایپل نے آئی فون کے 10 سال مکمل ہونے پر متعارف کرائے جدید ترین آئی فون ماڈل میں ایک سنگین ہارڈوئیر مسئلے کا اعتراف کیا ہے۔

اپنی آفیشل ویب سائٹ پر ایپل نے آئی فون ایکس ماڈلز کے صارفین کو خبردار کیا کہ انہیں ممکنہ طور پر ٹچ اسکرین کے مسائل کا سامنا ہوسکتا ہے جس کی وجہ ایک پرزہ ہے جو کہ ڈسپلے ماڈیول کو فیل کرسکتا ہے۔

ایپل کے مطابق اس کی وجہ سے ڈسپلے یا ڈسپلے کا کچھ حصہ ٹچ کرنے پر کام نہیں کرتا اور یہ ڈسپلے بغیر چھوٹے بھی اچانک کام شروع کرسکتا ہے۔

مزید پڑھیں : ایپل کی تاریخ کا سب سے بڑا اور مہنگا ترین آئی فون

امریکی جریدے فوربس کی رپورٹ میں بتایا گیا کہ اچھی خبر یہ ہے کہ ڈسپلے کے ان مسائل کو پکڑنا کافی آسان ہے اور اگر آئی فون ایکس اس سے متاثر ہو تو پھر ایپل یا اس کے ڈیلر سے ڈسپلے ماڈیول کو مفت تبدیل کرایا جاسکتا ہے۔

مزید براں اگر آپ پہلے ہی اس طرح کی خرابی کو ٹھیک کراچکے ہیں تو ری فنڈ بھی حاصل کرسکتے ہیں۔

مگر ایپل نے ایسے صارفین کو خبردار بھی کیا ہے کہ اگر ان کے آئی فون ایکس کی اسکرین پر خراش یا ایسے ہی مسئلے ہوں، تو انہیں مفت سروس سے پہلے اسے ٹھیک کرانا ہوگا ورنہ اضافی اخراجات وصول کیے جائیں گے۔

اور یہ کہنے کی ضرورت نہیں کہ آئی فون کو ٹھیک کرانے کا خرچہ کافی زیادہ ہوتا ہے۔

یہ بھی پڑھیں : آئی فون میں منفرد ٹیکنالوجی استعمال کیے جانے کا امکان

دوسری جانب ایپل آئی فون ایکس میں آئی او ایس کا نیا ورژن اپ ڈیٹ کرے گا اور آئی او ایس 12.1 میں کچھ صارفین نے بگز کی شکایت کی ہے۔

رپورٹ کے مطابق ایپ کا انتباہ ظاہر آئی فون ایکس، آئی فون 8، آئی فون 7 اور آئی فون 6 کے سنگین ہارڈوئیر مسائل کا عندیہ دیتا ہے۔

واضح رہے کہ گزشتہ دنوں ایپل نے اعلان کیا تھا کہ اب وہ آئی فونز کی فروخت کے اعدادوشمار ظاہر نہیں کرے گی اور اس پر متعدد حلقوں نے خیال کیا تھا کہ آئی فون ایکس ایس، آئی فون ایکس ایس میکس اور آئی فون ایکس آر کی فروخت میں کمپنی کو مشکل کا سامنا ہے۔