’کشمیر بینڈ‘ کا گانا ’پروانا ہوں‘ ریلیز

ای میل

گانے کی شاعری کو سراہا جا رہا ہے—اسکرین شاٹ
گانے کی شاعری کو سراہا جا رہا ہے—اسکرین شاٹ

حال ہی میں میوزیکل کامپیٹیشن شو’پیپسی بیٹل آف دی بینڈز‘ میں شرکت کرنے والے میوزیکل بینڈ ’ای شارپ‘ نے اپنا رومانوی گانا ’او شبانہ‘ جاری کیا تھا۔

رواں ماہ نومبر کے آغاز میں جاری کیے گئے جانے ’او شبانہ‘ کی ویڈیو اور کہانی کو بہت سراہا گیا تھا۔

اور اب ’پیپسی بیٹل آف دی بینڈز 2‘ کے فاتح میوزیکل بینڈ ’کشمیر‘ نے بھی میوزیکل شو کی تعاون سے نیا گانا ’پروانا ہوں‘ ریلیز کردیا۔

‘ او شبانہ‘ یہ گانا بھی سنیں

’کشمیر‘ میوزیکل بینڈ اس گانے سے قبل بھی چند گانے ریلیز کر چکا ہے اور اس بینڈ نے اچھی شہرت حاصل کرلی ہے۔

ای شارپ نے 5 نومبر کو او شبانہ گانا جاری کیا تھا—اسکرین شاٹ
ای شارپ نے 5 نومبر کو او شبانہ گانا جاری کیا تھا—اسکرین شاٹ

اس میوزیکل بینڈ نے 2017 میں ہونے والے ’پیپسی بیڈل آف دی بیںڈز 2‘ کا مقابلہ جیتا تھا اور اب اسی بینڈ نے ’پروانا ہوں‘ جاری کردیا۔ مختصر دورانیے کے ویڈیو میں میوزیکل بینڈ کے ارکان کو پہاڑوں پر پرفارمنس کرتے ہوئے دکھایا گیا ہے۔

یہ بھی پڑھیں: پیپسی بیٹل آف دی بینڈز کا فاتح ’کشمیر‘

ساتھ ہی صحراؤں میں لوگوں کو جستجو کرتے ہوئے بھی دکھایا گیا ہے۔

کشمیر نے 2017 کا پیپسی بیٹل آف دی بینڈز جیتا تھا—اسکرین شاٹ
کشمیر نے 2017 کا پیپسی بیٹل آف دی بینڈز جیتا تھا—اسکرین شاٹ

گانے کی ویڈیو سے زیادہ اس کی شاعری کو سراہا جا رہا ہے۔