ایچ ٹی سی کا مڈرینج 5 جی اسمارٹ فون پیش

14 جنوری 2021
— فوٹو بشکریہ ایچ ٹی سی
— فوٹو بشکریہ ایچ ٹی سی

ایک زمانہ تھا جب ایچ ٹی سی اسمارٹ فونز کے لیے مقبول کمپنی تھی مگر بتدریج وہ لوگوں کی توجہ کا مرکز نہیں رہی۔

اب کافی عرصے بعد ایچ ٹی سی نے خاموشی سے ایک مڈرینج 5 جی اسمارٹ فون ڈیزائر 21 پرو پیش کیا ہے۔

کمپنی کی ویب سائٹ پر فون کے فیچرز دیئے گئے ہیں جبکہ قیمت کے بارے میں بھی بتایا گیا۔

ڈیزائر 21 پرو 5 جی میں 6.7 انچ کا آئی پی ایس ایل سی ڈی ڈسپلے 90 ہرٹز ریفریش ریٹ اور ایچ ڈی آر 10 سپورٹ کے ساتھ ہے۔

فون کے اندر اسنیپ ڈراگون 690 پراسیسر دیا گیا ہے جبکہ 8 جی بی ریم اور 128 جی بی اسٹوریج موجود ہے جس میں مائیکرو ایس ڈی کارڈ سے اضافہ کیا جاسکتا ہے۔

فون کے اندر 5000 ایم اے ایچ بیٹری موجود ہے جو کیو سی 4.0 پلس فاسٹ چارجنگ سپورٹ فراہم کرتی ہے جو 18 واٹ کی ہے۔

اینڈرائیڈ 10 آپریٹنگ سسٹم سے لیس اس فون کے بیک پر 4 کیمروں کا سیٹ اپ موجود ہے۔

فوٹو بشکریہ ایچ ٹی سی
فوٹو بشکریہ ایچ ٹی سی

فون کا مین کیمرا 48 میگا پکسل کا ہے، جس کے ساتھ 8 میگا پکسل الٹرا وائیڈ، 2 میگا پکسل میکرو اور 2 میگا پکسل ڈٰپتھ انفارمیشن کیمرے موجود ہیں۔

فون کے فرنٹ پر پنچ ہول ڈیزائن میں 16 میگا پکسل سیلفی کیمرا چھپا ہوا ہے۔

یہ فون تائیوان میں پری آرڈر میں دستیاب ہے جبکہ دیگر ممالک میں اس کی دستیابی کے حوالے سے کمپنی نے فی الحال کوئی اعلان نہیں کیا۔

یہ فون 430 ڈالرز (69 ہزار پاکستانی روپے سے زائد) میں فروخت کیا جائے گا۔

تبصرے (0) بند ہیں