وزیراعلیٰ سندھ مراد علی شاہ نے کورونا وائرس سے متعلق بیان میں کہا کہ گزشتہ 24 گھنٹوں میں 16 ہزار 469 ٹیسٹ کیے گئے اور 888 نئے کیسز جبکہ 9 اموات رپورٹ ہوئیں۔

انہوں نے کہا کہ اموات کی مجموعی تعداد 4 ہزار 667 ہوچکی ہے جبکہ 444 مریض صحت یاب ہوئے ہیں، جس کے بعد صحت یاب افراد کی مجموعی تعداد 2 لاکھ 65 ہزار 276 ہوچکی ہے۔

وزیراعلیٰ سندھ نے کہا کہ صوبے میں اب تک 36 لاکھ 67 ہزار 984 ٹیسٹ کیے گئے اور اب تک 2 لاکھ 85 ہزار 625 کیسز رپورٹ ہوئے جبکہ اس وقت 15 ہزار 682 مریض زیر علاج ہیں۔