تین روز کمی کے بعد سونا پھر ہزاروں روپے مہنگا
مسلسل تین روز سے جاری کمی کے بعد آج سونے کی قیمتوں میں پھر ہزاروں روپے کا اضافہ دیکھا گیا ہے۔
سرکاری خبر رساں ادارے ’اے پی پی‘ کے مطابق آل پاکستان صرافہ جیولرز ایسوسی ایشن نے رپورٹ کیا کہ 24 قیراط سونے کی فی تولہ قیمت 2 ہزار 500 روپے اضافے سے 3 لاکھ 57 ہزار 600 تک جاپہنچی۔
اسی طرح 24 قیراط 10 گرام سونے کی قیمت بھی 2 ہزار 143 روپے بڑھ کر 3 لاکھ 6 ہزار 584 روپے ریکارڈ کی گئی جبکہ 22 قیراط 10 گرام سونے کا بھاؤ ایک ہزار 964 روپے اضافے سے 2 لاکھ 81 ہزار 45 روپے کا ہو گیا۔
ادھر، فی تولہ اور 10 گرام چاندی کی قیمت میں بالترتیب 48 روپے اور 44 روپے کا اضافہ ہوا، جس کے بعد نئی قیمتیں بالترتیب 4 ہزار 12 روپے اور 3 ہزار 439 روپے مقرر کی گئی ہیں۔
ادھر، عالمی مارکیٹ میں سونے کی قیمت 25 ڈالر اضافے سے 3 ہزار 351 ڈالر فی اونس ہو گئی۔
واضح رہے کہ گزشتہ روز 24 قیراط خالص سونے کی فی تولہ قیمت 900 روپے تنزلی سے 3 لاکھ 55 ہزار 100 روپے ہو گئی تھی۔
16 جولائی کو 24 قیراط سونے کی فی تولہ قیمت 3 ہزار روپے تنزلی سے 3 لاکھ 56 ہزار ہوگئی تھی، اسی طرح 24 قیراط 10 گرام سونے کی قیمت بھی 2 ہزار 572 روپے سستا ہو کر 3 لاکھ 5 ہزار 212 روپے کا ہو گیا تھا۔
15 جولائی کو سونے کی فی تولہ قیمت 700 روپے کمی کے بعد 3 لاکھ 59 ہزار روپے ریکارڈ کی گئی تھی۔
لائیو ٹی وی