پاکستان نےانگور اڈا کراسنگ پوائنٹس کھولنے کیلئے افغانستان سے وقت مانگ لیا
پاکستان نےانگور اڈا کراسنگ پوائنٹس کھولنےکےلیےافغانستان سےوقت مانگ لیا۔
ڈان نیوز کے مطابق حکومتی ذرائع کا کہنا ہے کہ پاکستان نےانگور اڈا کراسنگ پوائنٹس کھولنے کے لیے افغانستان سےوقت مانگ لیا ہے اور کراسنگ پوائنٹس این ایل سی بارڈر ٹرمینل کےآپریشنلائزیشن سے مشروط کردیے گئے ہیں۔
حکومت ذرائع کا کہنا ہے کہ تجارت کےلیے بنیادی انفرا اسٹر کچر مکمل کرنے کے لیے تھوڑا وقت درکار ہے، انگور اڈہ کراسنگ پوائنٹس 14اگست تک کھولنےکی کوشش کی جائےگی۔
ذرائع کا کہنا ہے کہ اگرایساممکن نہ ہوا تو آئندہ ماہ 31 اگست تک کراسنگ پوائنٹس کھولے جائیں گے۔
حکومتی ذرائع کا کہنا ہے کہ پاکستان اور افغانستان کا انگور اڈا کراسنگ پوائنٹس کھولنے پر اتفاق ہے، افغان وفدکےحالیہ دورہ پاکستان میں انگور اڈا کراسنگ پوائنٹس کھولنے پر اتفاق کیا گیا تھا۔
حکومتی ذرائع کے مطابق افغانستان کی جانب سےنائب وزیر صنعت و تجارت نےوفد کی قیادت کی جبکہ پاکستان کی جانب سے وفد کی قیادت سیکرٹری تجارت نے کی تھی۔
پاکستانی وفد نےکراسنگ پوائنٹس کھولنے کے لیےوقت طلب کرنے سےمتعلق افغان وفد کو آگاہ کیا تھا۔
لائیو ٹی وی