ہیلتھ سروسز اکیڈمی کی خاتون افسر پر سرکاری گاڑی میں مبینہ تشدد کا مقدمہ 12 دن بعد درج
ہیلتھ سروسز اکیڈمی کی خاتون افسر پر سرکاری گاڑی میں مبینہ تشدد کے واقعے کا مقدمہ 12 دن بعد درج کر لیا گیا ہے، جس میں ادارے کے وائس چانسلر ڈاکٹر شہزاد علی کو مرکزی ملزم نامزد کیا گیا ہے۔
ڈان نیوز کے مطابق فرسٹ انفارمیشن رپورٹ (ایف آئی آر) میں درج کیا گیا ہے کہ 17 جولائی کو ڈپٹی ڈائریکٹر کے عہدے پر فائز خاتون افسر کو سرکاری گاڑی میں تشدد کا نشانہ بنایا گیا۔
واقعے کی ایف آئی آر 29 جولائی کو درج کی گئی، جس میں ناقابلِ ضمانت دفعہ 337Aii کو شامل کیا گیا ہے، میڈیکولیگل رپورٹ میں خاتون افسر پر تشدد کی تصدیق بھی ہو چکی ہے۔
دوسری جانب خاتون افسر کے خلاف چارج شیٹ میں سرکاری گاڑی پر قبضے کا الزام عائد کیا گیا ہے، تاہم خاتون افسر نے خود وہ گاڑی خواتین پولیس اسٹیشن میں جمع کروا دی تھی۔
ذرائع کے مطابق متاثرہ افسر کو اپریل 2025 میں ہیلتھ سروسز اکیڈمی میں مستقل کیا گیا تھا۔
لائیو ٹی وی