مسلسل دوسرے روز سونا سستا ہو گیا، فی تولہ قیمت کتنی ہوگئی؟
ملک بھر میں مسلسل دوسرے روز سونے کی قیمتوں میں کمی ریکارڈ کی گئی ہے۔
سرکاری خبر رساں ادارے ’اے پی پی‘ آل پاکستان صرافہ جیمز اینڈ جیولرز ایسوسی ایشن نے رپورٹ کیا کہ 24 قیراط فی تولہ خالص سونا 100 روپے سستا ہو کر 3 لاکھ 52 ہزار 900 روپے میں فروخت ہوا۔
اسی طرح 24 قیراط 10 گرام سونے کی قیمت 86 روپے تنزلی سے 3 لاکھ 2 ہزار 555 روپے ریکارڈ کی گئی جبکہ 22 قیراط 10 گرام سونے کے دام 2 لاکھ 77 ہزار 342 روپے ہو گئے۔
ادھر، فی تولہ اور 10 گرام چاندی کی قیمتیں بالترتیب 3 ہزار 900 روپے اور 3 ہزار 344 روپے پر مستحکم رہیں۔
بین الاقوامی مارکیٹ میں سونے کی قیمت ایک ڈالر کمی کے ساتھ3 ہزار 302 ڈالر فی اونس ہو گئی۔
واضح رہے کہ گزشتہ روز 24 قیراط فی تولہ خالص سونے کی قیمت 2 ہزار روپے تنزلی سے 3 لاکھ 53 ہزار روپے ریکارڈ کی گئی تھی۔
لائیو ٹی وی