معروف گلوکارہ کے سوشل میڈیا اکاؤنٹ پر برہنہ تصاویر جاری کردی گئیں

اپ ڈیٹ 19 اکتوبر 2019

ای میل

گلوکارہ کے اسنیپ چیٹ اکاؤنٹ کو ہیک کرکے تصاویر شیئر کی گئیں—فوٹو: اے ایف پی
گلوکارہ کے اسنیپ چیٹ اکاؤنٹ کو ہیک کرکے تصاویر شیئر کی گئیں—فوٹو: اے ایف پی

شہرت یافتہ امریکی گلوکارہ و اداکارہ ڈیمی لواٹو اگرچہ منشیات استعمال کرنے کی عادت کی وجہ سے خبروں میں رہتی ہیں، تاہم اس بار وہ اپنے سوشل میڈیا اکاؤنٹ ہیک ہونے کی وجہ سے خبروں کی زینت بنیں۔

خبریں ہیں کہ پاپ گلوکارہ ڈیمی لواٹو کے اسنیپ چیٹ اکاؤنٹ کو ہیک کرکے اس پر اداکارہ کی انتہائی نامناسب ویڈیوز اور برہنہ تصاویر شیئر کردی گئیں۔

دلچسپ بات یہ ہے کہ ڈیمی لواٹو کے مبینہ ہیک ہوجانے والے اسنیپ چیٹ اکاؤنٹ پر ایک گھنٹے تک فحش ویڈیوز اور برہنہ تصاویر موجود رہیں۔

برطانوی اخبار ’دی انڈیپنڈنٹ‘ نے اپنی رپورٹ میں امریکی اخباروں کا حوالہ دیتے ہوئے بتایا کہ ڈیمی لواٹو کا اکاؤنٹ مبینہ طور پر ایک سافٹ ویئر ہاؤس کی جانب سے ہیک کرکے اس پر برہنہ ویڈیوز اور تصاویر شیئر کی گئیں۔

گلوکارہ پر حد سے زیادہ نشے کرنے کے الزامات بھی لگائے جاتے رہتے ہیں—فوٹو: اے ایف پی
گلوکارہ پر حد سے زیادہ نشے کرنے کے الزامات بھی لگائے جاتے رہتے ہیں—فوٹو: اے ایف پی

اسنیپ چیٹ اکاؤنٹ پر شیئر کی جانے والی برہنہ تصاویر میں سے بہت ساری تصاویر ڈیمی لواٹو کی ذاتی تصاویر تھیں اور انہوں نے کبھی بھی انہیں شیئر نہیں کیا تھا۔

ساتھ ہی انسٹاگرام پر ان کی کچھ خاص نامناسب ویڈیوز سمیت فحش ویڈیو بھی شیئر کردی گئیں۔

گلوکارہ کا اکاؤنٹ ہیک کیے جانے اور ڈیمی لواٹو کی تصاویر اور ویڈیوز شیئر کیے جانے کے بعد ان کے مداحوں نے ان کا دفاع کیا اور سوشل میڈیا کر ہیکرز کے خلاف مہم شروع کردی، جس کے بعد گلوکارہ کا اکاؤنٹ بھی بحال ہوگیا۔

ڈیمی لواٹو پر گزشتہ برس اپنی ساتھی ڈانسر کو بھی نشہ دینے کا الزام لگا تھا—فوٹو: یپلز میگزین
ڈیمی لواٹو پر گزشتہ برس اپنی ساتھی ڈانسر کو بھی نشہ دینے کا الزام لگا تھا—فوٹو: یپلز میگزین

ڈیمی لواٹو کی حمایت کرنے والے افراد کا کہنا تھا کہ ہیکرز کو گلوکارہ کی عزت اور پرائیویسی کا خیال رکھنا چاہیے، ان کی نامناسب تصاویر اور ویڈیوز کو یوں شیئر کرنا مناسب نہیں۔

دوسری جانب جس گروپ پر گلوکارہ کے اکاؤنٹ ہیک کرنے کے الزامات لگائے جا رہے ہیں، اس گروپ نے الزامات کو مسترد کرتے ہوئے کہا ہے کہ وہ کبھی بھی غیر قانونی سرگرمیوں میں ملوث نہیں رہا۔

یہ بھی پڑھیں: ڈیمی لواٹو پر ساتھی ڈانسر کو نشہ دینے کا الزام

یہ پہلا موقع نہیں ہےکہ کسی معروف اداکارہ کے سوشل میڈیا اکاؤنٹ کو ہیک کرکے اس پر فحش ویڈیوز اور برہنہ تصاویر جاری کی گئی ہوں۔

اس سے قبل بھی متعدد شخصیات کے سوشل میڈیا اکاؤنٹس کو ہیک کرکے ان پر نامناسب مواد شیئر کیا جاتا رہا ہے۔

اداکارہ منشیات کے عادی ہونے کا اعتراف کرچکی ہیں—فوٹو: ڈیمی لواٹو انسٹاگرام
اداکارہ منشیات کے عادی ہونے کا اعتراف کرچکی ہیں—فوٹو: ڈیمی لواٹو انسٹاگرام

ڈیمی لواٹو خود بھی سوشل میڈیا پر متحرک رہتی ہیں اور سوشل میڈیا ایپس اور سائٹس پر اپنی بولڈ اور نیم عریاں تصاویر شیئر کرتی رہتی ہیں۔

انہیں حد سے زیادہ منشیات استعمال کرنے کی وجہ سے بھی تنقید کا نشانہ بنایا جاتا رہا ہے، گزشتہ برس انہیں حد سے زیادہ منشیات استعمال کرنے کی وجہ سے تشویش ناک حالت میں ہسپتال منتقل کیا گیا تھا اور وہ مرتے مرتے بچی تھیں۔

گلوکارہ خود بھی شراب، چرس اور ہیروئن سمیت دیگر اقسام کا نشہ کرنے کا اعتراف کر چکی ہیں۔

چھبیس سالہ ڈیمی لواٹو نے بطور چائلڈ آرٹسٹ ہی اپنا کیریئر شروع کیا، انہوں نے پہلے پہل ٹیلی وژن پر اداکاری کی، بعد ازاں انہوں نے گلوکاری اور شاعری میں بھی قسمت آزمائی۔

اب تک ڈیمی لواٹو 9 سے زائد فلموں اور 2 درجن سے زائد ڈراموں بھی اداکاری کے جوہر دکھا چکی ہیں۔

ڈیمی لواٹو اب تک 6 میوزک ایلبم ریلیز کرنے سمیت درجنوں گانے بھی ریلیز کر چکی ہیں۔

بعد ازاں گلوکارہ کا اکاؤنٹ بحال کرادیا گیا—فوٹو: اے ایف پی
بعد ازاں گلوکارہ کا اکاؤنٹ بحال کرادیا گیا—فوٹو: اے ایف پی