مولانا طاہر اشرفی مذہبی ہم آہنگی کیلئے وزیر اعظم کے نمائندہ خصوصی مقرر

29 ستمبر 2020

ای میل

طاہر محمود اشرفی پاکستان علما کونسل (پی یو سی) کے چیئرمین کے فرائض بھی انجام دے رہے ہیں — فائل فوٹو / رائٹرز
طاہر محمود اشرفی پاکستان علما کونسل (پی یو سی) کے چیئرمین کے فرائض بھی انجام دے رہے ہیں — فائل فوٹو / رائٹرز

وزیر اعظم عمران خان نے مولانا طاہر محمود اشرفی کو اپنا نمائندہ خصوصی برائے مذہبی ہم آہنگی مقرر کر دیا۔

وزیر اعظم کے دفتر سے جاری نوٹی فکیشن کے مطابق مولانا طاہر اشرفی کو اعزازی طور پر نمائندہ خصوصی مقرر کیا گیا ہے اور اس کا اطلاق فوری طور پر ہوگا۔

واضح رہے کہ طاہر محمود اشرفی پاکستان علما کونسل (پی یو سی) کے چیئرمین کے فرائض بھی انجام دے رہے ہیں۔

انہوں نے اگست کے آخر میں وزیر اعظم عمران خان سے ملاقات بھی کی تھی اور فلسطین کے مسئلے پر پاکستان کے سخت مؤقف کی تعریف کی۔

یہ بھی پڑھیں: وزیر اعظم کا علما سے مذہبی ہم آہنگی کیلئے مثالی کردار ادا کرنے پر زور

حافظ طاہر اشرفی نے ملک کے مذہبی طبقات کے جذبات کو وزیر اعظم تک پہنچایا کہ ان کے اٹھائے گئے اقدام سے پورے عالم اسلام میں ان کا خیرمقدم کیا گیا ہے۔