عمران خان وزیر اعلیٰ پنجاب کی کرسی پر بیٹھنے پر معافی مانگیں، صوبائی اسمبلی میں قرارداد جمع

اپ ڈیٹ 01 اگست 2022
گزشتہ روز عمران خان کی وزیر اعلیٰ پنجاب کی کرسی پر بیٹھنے کی تصویر سوشل میڈیا پر وائرل ہوئی تھی — فوٹو: ٹوئٹر
گزشتہ روز عمران خان کی وزیر اعلیٰ پنجاب کی کرسی پر بیٹھنے کی تصویر سوشل میڈیا پر وائرل ہوئی تھی — فوٹو: ٹوئٹر

پنجاب اسمبلی میں اپوزیشن جماعت مسلم لیگ (ن) نے صوبائی اسمبلی میں ایک قرارداد جمع کروائی ہے جس میں سابق وزیر اعظم اور پاکستان تحریک انصاف (پی ٹی آئی) کے چیئرمین عمران خان سے وزیر اعلیٰ پنجاب کی کرسی پر بیٹھنے پر معافی مانگنے کا مطالبہ کیا گیا ہے۔

عمران خان نے گزشتہ روز لاہور کا دورہ کیا تھا جہاں انہوں نے وزیر اعلیٰ پنجاب پرویز الہٰی سے ان کے دفتر میں ملاقات کی تھی، اس موقع پر عمران خان کی وزیر اعلیٰ پنجاب کی کرسی پر بیٹھنے والی تصویر سوشل میڈیا پر وائرل ہوئی تھی جس پر عمران خان کو شدید تنقید کا نشانہ بھی بنایا گیا تھا۔

مسلم لیگ (ن) نے سابق وزیر اعظم عمران خان سے معافی مانگنے کے مطالبے کی قرارداد پنجاب اسمبلی میں جمع کرا دی ہے۔

یہ بھی پڑھیں: پنجاب اسمبلی: چیف الیکشن کمشنر کے خلاف قرارداد منظور، استعفے کا مطالبہ

قرارداد مسلم لیگ (ن) کی رکن سعدیہ تیمور کی جانب سے پنجاب اسمبلی میں جمع کرائی گئی ہے۔

سعدیہ تیمور کی جانب سے پنجاب اسمبلی میں جمع کرائی گئی قرارداد کے متن کے مطابق یہ ایوان عمران خان کی جانب سے وزیر اعلیٰ پنجاب کی کرسی پر براجمان ہونے کی مذمت کرتا ہے۔

قرارداد میں کہا گیا ہے کہ پارلیمنٹ سے نکالے گئے شخص کا وزیر اعلیٰ کی کرسی پر بیٹھنا وزیر اعلیٰ پنجاب کے عہدے کی توہین ہے، ایک مسترد شدہ شخص نے وزیر اعلیٰ پنجاب کی کرسی کی توہین کی ہے۔

مزید پڑھیں: الیکشن کمشنر کی حکومتی وفد سے ملاقات، ریفرنس بھیج کر برخاست کرنے کیلئے 'فٹ' کیس ہے، فواد چوہدری

مسلم لیگ (ن) کی رکن نے اپنی قرارداد میں مؤقف اپنایا ہے کہ عمران خان کا یہ اقدام پنجاب کے 12 کروڑ عوام کی توہین ہے، قرارداد میں مطالبہ کیا گیا ہے کہ وہ پنجاب کے عوام سے فوری معافی مانگیں۔

'اقتدار کی کرسی کا بھوکا'، لیگی رہنماؤں کی عمران خان پر تنقید

مسلم لیگ (ن )کے رہنماؤں نے عمران خان کو وزیر اعلیٰ پنجاب پرویز الہٰی کی کرسی پر بیٹھنے پر تنقید کا نشانہ بنایا۔

یہ بھی پڑھیں: مسلم لیگ(ن) کی اسپیکر پنجاب اسمبلی کا الیکشن کالعدم قرار دینے کی استدعا

سماجی رابطے کی ویب سائٹ ٹوئٹر پر جاری اپنے ایک بیان میں وفاقی وزیر ریلوے اور ہوا بازی خواجہ سعد رفیق نے عمران خان کی وزیراعلیٰ پنجاب سے ملاقات کے موقع پر ان کی کرسی پر بیٹھنے کی تصویر شیئر کی اور لکھا ’اقتدار کی کرسی کا بھوکا‘۔

خواجہ سعد رفیق نے لکھا کہ ’آپ جتنے مرضی بڑے ہوں کبھی دوسروں کی کرسی پر نہیں بیٹھتے، آداب سے عاری بدتمیز توشہ خان فتنہ وزیر اعلیٰٰ پنجاب کی کرسی پر براجمان‘۔

دوسری جانب وزیر دفاع خواجہ آصف نے بھی سوشل میڈیا پر عمران خان کی تصویر شیئر کرتے ہوئے کہا کہ اس شخص کو کرسی کی کتنی ہوس ہے۔

خواجہ آصف نے کہا کہ کوئی صاحب عزت انسان کسی اور عہدیدار کی کرسی پہ نہیں بیٹھے گا، عمران خان کی یہ حرکت اس کی سوچ اور ذات کی پستی کی آئینہ دار ہے۔

ضرور پڑھیں

تبصرے (4) بند ہیں

Legal Aug 01, 2022 04:32pm
Actually, Imran Khan does not have any concept of federation. Since Buzdar was in chair, Imran Khan has always spoken and acted as if the Chief Minister is sub-ordinate to Prime Minister. But now he has acted as if Chief Minister is sub-ordinante to the head of another party who voted him. Respected Chief Minister Punjab should not have allowed this .
N. Burki Aug 01, 2022 11:35pm
The opposition can be as petty as one can imagine. All that is on their minds is the chair, while far greater issues created by them are destroying the country
Common Man Aug 02, 2022 12:46am
sharm tum ko magar nahin aati
nk Aug 02, 2022 08:07am
Saad Rafique is a burning man.