نک جونس اور پریانکا چوپڑا کی شادی کا دوسرا استقبالیہ
بولی وڈ پگی چوپس پریانکا چوپڑا نے امریکی گلوکار نک جونس سے رواں ماہ 3 دسمبر کو بھارتی ریاست راجستھان کے شہر جے پور میں شادی کی تھی۔
دونوں نے ایک سال تک تعلقات میں رہنے کے بعد اگست 2018 میں منگنی کرنے کے بعد بھارت میں شادی کی۔
ان کی شادی میں جہاں عالمی شخصیات نے شرکت کی تھی، وہیں بولی وڈ کی شخصیات نے بھی شرکت کی تھی۔
شادی کے بعد دونوں نے دارالحکومت نئی دہلی میں شادی کا پہلا استقبالیہ بھی دیا تھا، جس میں بھارتی وزیر اعظم نریندر مودی سمیت اہم شخصیات نے شرکت کی تھی۔
دونوں نے شادی کا پہلا استقبالیہ دیے جانے کے 2 ہفتے بعد مممبئی میں بولی وڈ شخصیات کے لیے دوسرے استقبالیے کا اہتمام کیا۔
ممبئی کے نجی ہوٹل میں ہونے والے استقبالیے میں بولی وڈ کی اعلیٰ شخصیات، فیشن، میڈیا اور صنعتی شعبے کی اہم شخصیات نے شرکت کی۔
استقبالیے میں پریانکا اور نک دیسی لباسوں میں نظر آئے اور استقبالیے کی تصاویر سوشل میڈیا پر وائرل ہوگئیں۔
لائیو ٹی وی