ہونٹوں کی سرجری سے متعلق ہانیہ عامر کی وضاحت

17 اکتوبر 2020
گزشتہ مہینے سے ادکارہ ہانیہ عامر کے حوالے سے خبریں گردش کررہی تھیں کہ انہوں نے ہونٹوں کی سرجری کروالی ہے—فوٹو: انسٹاگرام
گزشتہ مہینے سے ادکارہ ہانیہ عامر کے حوالے سے خبریں گردش کررہی تھیں کہ انہوں نے ہونٹوں کی سرجری کروالی ہے—فوٹو: انسٹاگرام

خوبصورت اور منفرد نظر آنے کے لیے اداکاراؤں کی جانب سے میک اپ سے لےکر سرجری کرانا کوئی نئی بات نہیں۔

یوں تو شوبز سے وابستہ شخصیات کی جانب سے اپنی خوبصورتی میں اضافہ کرنے کے لیے زیادہ تر ہونٹوں کی سرجری کرائی جاتی ہے جو تقریباً ہر اداکارہ کراچکی ہے لیکن ہر قسم کی سرجری ہر کسی پر اچھی بھی نہیں لگتی۔

تاہم کبھی کبھی ایسا بھی ہوتا ہے کہ اداکارائیں اس قدر منفرد نظر آتی ہیں کہ ان پر سرجری کا شبہ ہونے لگتا ہے، تاہم درحقیقت انہوں نے سرجری نہیں کرائی ہوتی۔

مزید پڑھیں: 'منگنی مبارک ہانیہ' کیوں ٹرینڈ کررہا ہے؟

ایسی ہی کچھ خبریں گزشتہ مہینے سے ادکارہ ہانیہ عامر کے حوالے سے گردش کررہی تھیں کہ انہوں نے ہونٹوں کی سرجری کروالی ہے۔

گزشتہ ماہ سوشل میڈیا پر ہانیہ عامر کی کچھ تصاویر وائرل ہوئی تھیں جنہیں دیکھ کر ایسا معلوم ہورہا تھا کہ اداکارہ نے بھی ہونٹوں کی سرجری کروائی ہے۔

—فوٹو:فیس بک
—فوٹو:فیس بک

سوشل میڈیا پر وائرل ہونے والی تصاویر میں ہانیہ عامر کے ہونٹ زیادہ نمایاں ہورہے تھے لیکن انہوں نے ہونٹوں کی سرجری کروانے کے حوالے سے کوئی تصدیق نہیں کی تھی۔

جس کے بعد مداحوں کی جانب سے ان پر تنقید بھی کی گئی تھی کہ اداکارہ نے یہ سرجری کروا کر اپنا چہرہ بگاڑ لیا ہے۔

یہ بھی پڑھیں: عاصم اظہر سے 'نجی تعلقات' نہیں، ہم صرف دوست ہیں، ہانیہ عامر

اب آخر کار ہانیہ عامر نے مداحوں کو تصاویر میں اپنے ہونٹ بڑے دکھنے کی وجہ بتادی ہے۔

ہانیہ عامر نے انسٹاگرام اسٹوری میں ایک ویڈیو جاری کی جس میں انہوں نے ہونٹوں کی سرجری نہ کرانے کی تصدیق کی اور اپنی تصاویر میں ایسا لگنے کی وجہ بتائی۔

ویڈیو میں انہوں نے کہا کہ ان کے دوست نے انہیں بتایا کہ جس فلٹر کی وجہ سے وہ بدنام ہورہے ہیں تو اس میں اسکیل کو پکڑ کر نیچے لائیں تو ہونٹ نارمل ہوجاتے ہیں۔

A photo posted by Instagram (@instagram) on

ہانیہ عامر کے مطابق انہیں ایپ میں موجود فلٹر میں اس چیز کا علم نہیں تھا اور انہوں نے خود کو احمق بھی قرار دیا۔

خیال رہے کہ اس سے قبل ہانیہ عامر کا نام گلوکار عاصم اظہر کو صرف دوست کہنے پر سوشل میڈیا پر زیر گردش تھا۔

بعدازاں ٹوئٹر پر #منگنی _ مبارک _ ہانیہ کا ہیش ٹیگ ٹرینڈ کرنے کی وجہ سے مداح سمجھے تھے کہ اداکارہ نے منگنی کرلی وہیں ہانیہ بھی حیران تھیں کہ یہ ٹرینڈ کیوں چل رہا ہے۔

A photo posted by Instagram (@instagram) on

ضرور پڑھیں

تبصرے (0) بند ہیں