عالمی وبا کورونا وائرس
لائیو

عالمی وبا کورونا وائرس

اہم نکات:

  • کورونا وائرس سال 2019 دسمبر میں چین میں رپورٹ ہوا، 11 مارچ 2020 کو اسے ’’عالمی وبا‘‘ قرار دیا گیا۔

  • 192 سے زائد ممالک/خطے اس عالمی وبا کا شکار ہوچکے ہیں۔

  • دنیا بھر میں اب تک 17 کروڑ 74 لاکھ 65 ہزار سے زائد افراد متاثر ہوئے جن میں سے 38 لاکھ 43 ہزار سے زیادہ افراد لقمہ اجل بن چکے ہیں۔

  • پاکستان میں متاثرہ افراد کی تعداد 9 لاکھ 46 ہزار 227 ہوگئی ہے جن میں سے 21 ہزار 913 انتقال کرچکے ہیں جبکہ 8 لاکھ 88 ہزار 505 مریض صحتیاب بھی ہوئے ہیں۔

  • دنیا میں اب تک کورونا سے بچاؤ کی ویکسینز کی 2 ارب 51 کروڑ سے زائد خوراکیں لگائی جاچکی ہیں جبکہ پاکستان میں لگائی جانے والی ویکسینز کی تعداد ایک کروڑ 24 لاکھ 83 ہزار 801 ہے۔

  • کورونا وائرس سے متعلق تازہ ترین خبروں کیلئے کلک کریں۔

Jun 21, 2021
10:08 PM

آرٹس کونسل کراچی میں بغیر ویکسینیشن داخلے پر پابندی

6:56 PM

سندھ میں کورونا کے 423 کیسز رپورٹ

4:07 PM

متحدہ عرب امارات میں ایک ہزار 964 کورونا کیسز، 6 اموات رپورٹ

3:42 PM

ملک بھر میں کووِڈ کے 283 مریض وینٹیلیٹرز پر زیر علاج

2:10 PM

اسلام آباد، آزاد جموں کشمیر، گلگت بلتستان میں مشترکہ طور پر 67 کورونا کیسز رپورٹ

2:00 PM

خیبر پختونخوا میں وائرس کے 102 کیسز، 7 اموات رپورٹ

1:15 PM

پنجاب میں 95 کورونا کیسز، 9 اموات رپورٹ

11:58 AM

پاکستان میں کووڈ 19 سے ہلاکتوں کی تعداد 22 ہزار سے تجاوز کر گئی

11:34 AM

بھارت میں یومیہ کیسز کی تعداد 53 ہزار 256 تک کم ہوگئی

10:34 AM

پاکستان میں کورونا کے 907 نئے کیسز، 30 اموات رپورٹ

جون 21, 2021 10:08pm

آرٹس کونسل کراچی میں بغیر ویکسینیشن داخلے پر پابندی

آرٹس کونسل آف پاکستان کراچی نے ان لوگوں کے داخلے پر پابندی عائد کردی ہے جنہوں نے ویکسین نہیں لگوائی ہو اور اس کا اطلاق یکم جولائی سے ہوگا۔

آرٹس کونسل کراچی کے صدر محمد احمد شاہ نے بیان میں کہا کہ ثقافتی سرگرمیاں بحال ہورہی ہیں لیکن ان تمام لوگوں کے لیے ویکسینیشن لازمی قرار دی گئی ہے جو پروگرامز میں شرکت کرنا چاہتے ہیں۔

انہوں نے زور دیا کہ تمام اراکین خود کو اور اپنے اہل خانہ کو یکم جولائی سے قبل ویکسین لگوائیں تاکہ وہ آرٹس کونسل کی حدود میں داخل ہوسکیں۔

ای میل

جون 21, 2021 06:56pm

سندھ میں کورونا کے 423 کیسز رپورٹ

وزیراعلیٰ سندھ مراد علی شاہ نے کورونا وائرس سے متعلق بیان میں کہا کہ صوبے میں گزشتہ 24 گھنٹوں میں 11 ہزار 418 ٹیسٹ کیے گئے اور 423 نئے کیسز رپورٹ ہوئے۔

انہوں نے کہا کہ سندھ میں کورونا سے مزید 3 اموات ہوئیں جس کے بعد اموات کی مجموعی تعداد 5 ہزار 344 ہوچکی ہے۔

انہوں نے کہا کہ آج مزید 482 مریض صحتیاب ہوئے ہیں۔

جون 21, 2021 04:07pm

متحدہ عرب امارات میں ایک ہزار 964 کورونا کیسز، 6 اموات رپورٹ

متحدہ عرب امارات میں گزشتہ 24 گھنٹوں کے دوران ایک ہزار 964 نئے کورونا کیسز اور 6 اموات سامنے آئیں۔

العربیہ انگلش کی رپورٹ کے مطابق مزید ایک ہزار 923 کووِڈ کے مریض صحتیاب بھی ہوئے۔

یو اے ای میں اب تک 6 لاکھ13 ہزار 993 کورونا کیسز اور ایک ہزار 763 اموات رپورٹ ہوچکی ہیں۔

جون 21, 2021 03:42pm

ملک بھر میں کووِڈ کے 283 مریض وینٹیلیٹرز پر زیر علاج

نیشنل کمانڈ اینڈ آپریشن سینٹر کے جاری اعدادو شمار کے مطابق ملک کے 4 بڑے شہروں میں وینٹیلیٹر پر زیر علاج کووڈ 19 کے مریضوں کی شرح ملتان میں 34 فیصد، لاہور میں 21 فیصد, بہاولپور میں 26 فیصد اور اسلام آباد میں 21 فیصد ہے۔

اسی طرح سے ملک کے چار بڑے شہروں میں آکسیجن کی سہولیات والے بستروں پر کورونا وائرس کے مثبت کیسز کے تناسب کے لحاظ سے کراچی میں 23 فیصد، ایبٹ آباد میں 23 فیصد، کراچی میں 23 فیصد اور گلگت میں 45 فیصد مریض ہیں۔

بلوچستان اور گلگت بلتستان میں کووڈ19 کا کوئی بھی مریض اس وقت وینٹیلیٹر پر نہیں ہے جبکہ ملک بھر میں کووڈ19 کے لیے مختص وینٹیلیٹرز پر 283 مریض ہیں۔

جون 21, 2021 02:10pm

اسلام آباد، آزاد جموں کشمیر، گلگت بلتستان میں مشترکہ طور پر 67 کورونا کیسز رپورٹ

اسلام آباد، آزاد جموں و کشمیر اور گلگت بلتستان میں گزشتہ 24 گھنٹوں کے دوران مجموعی طور پر 67 کورونا وائرس کے کیسز رپورٹ ہوئے تاہم کوئی نئی اموات رپورٹ نہیں ہوئی۔

کیسز:

اسلام آباد: 24 کیسز

گلگت-بلتستان: 10 کیسز

آزاد جموں و کشمیر: 33 کیسز

جون 21, 2021 02:00pm

خیبر پختونخوا میں وائرس کے 102 کیسز، 7 اموات رپورٹ

خیبر پختونخوا میں گزشتہ 24 گھنٹوں کے دوران 102 کورونا وائرس کے کیسز اور 7 اموات رپورٹ ہوئی ہیں۔

نئے اعداد و شمار کے بعد صوبے میں وائرس کے کل کیسز کی تعداد ایک لاکھ 37 ہزار 75 اور ہلاکتوں کی تعداد 4 ہزار 269 ہوگئی ہے۔

جون 21, 2021 01:15pm

پنجاب میں 95 کورونا کیسز، 9 اموات رپورٹ

پنجاب میں گزشتہ 24 گھنٹوں کے دوران 95 کورونا وائرس کے کیسز اور 9 اموات رپورٹ ہوئی ہیں۔

صوبے میں کیسز کی کل تعداد 3 لاکھ 45 ہزار 65 اور ہلاکتوں کی تعداد 10 ہزار 642 ہوگئی ہے۔

جون 21, 2021 11:58am

پاکستان میں کووڈ 19 سے ہلاکتوں کی تعداد 22 ہزار سے تجاوز کر گئی

گزشتہ 24 گھنٹوں کے دوران پاکستان میں 30 مزید ہلاکتیں رپورٹ ہوئیں جس کے بعد پاکستان میں وائرس سے کل ہلاکتوں کی تعداد 22 ہزار کی سطح عبور کرگئی۔

نیشنل کمانڈ اینڈ آپریشن سینٹر کے مطابق گزشتہ 24 گھنٹوں کے دوران 34 ہزار 754 ٹیسٹ کیے گئے۔

ان میں سے 907 مثبت کیسز سامنے آئے، کیسز کی کل تعداد 9 لکھ 49 ہزار 175 اور اموات کی تعداد 22 ہزار 7 ہے۔

جون 21, 2021 11:34am

بھارت میں یومیہ کیسز کی تعداد 53 ہزار 256 تک کم ہوگئی

بھارت میں گزشتہ 24 گھنٹوں کے دوران 53 ہزار 256 کورونا کیسز اور ایک ہزار 422 افراد کے کورونا سے ہلاک ہونے کی تصدیق ہوئی۔

بھارت میں اب تک 2 کروڑ 99 لاکھ 35 ہزار 221 کورونا کیسز اور 3 لاکھ 88 ہزار 135 اموات ہوچکی ہیں۔