عالمی وبا کورونا وائرس
لائیو

عالمی وبا کورونا وائرس

اہم نکات:

  • کورونا وائرس سال 2019 دسمبر میں چین میں رپورٹ ہوا، 11 مارچ 2020 کو اسے ’’عالمی وبا‘‘ قرار دیا گیا۔

  • 192 سے زائد ممالک/خطے اس عالمی وبا کا شکار ہوچکے ہیں۔

  • دنیا بھر میں اب تک 23 کروڑ 12 لاکھ 19 ہزار سے زائد افراد متاثر ہوچکے ہیں، جن میں سے 47 لاکھ 39 ہزار سے زیادہ افراد لقمہ اجل بن چکے ہیں۔

  • پاکستان میں متاثرہ افراد کی تعداد 12 لاکھ 36 ہزار 888 ہوگئی ہے جن میں سے 27 ہزار 524 انتقال کر چکے ہیں جبکہ 11 لاکھ 57 ہزار 322 مریض صحتیاب بھی ہوئے ہیں۔

  • کورونا وائرس سے متعلق تازہ ترین خبروں کیلئے کلک کریں۔

تازہ ترین
12:07 PM

ملک میں اب تک 7 کروڑ 82 لاکھ کووڈ ویکسینز لگادی گئیں

11:28 AM

بھارت میں مزید 26 ہزار 41 کورونا کیسز، 276 اموات رپورٹ

10:18 AM

ایسی کوئی تحقیق نہیں جس سے ثابت ہو کہ بوسٹر شاٹ محفوظ ہے، ماہرین صحت

8:21 AM

ملک میں کورونا وائرس کے ایک ہزار 757 نئے کیسز، 31 اموات رپورٹ

Sep 26, 2021
11:57 PM

برطانیہ میں کووڈ-19 کے 32 ہزار 417 نئے کیسز، 58 اموات رپورٹ

9:32 PM

سندھ میں کورونا سے 15 اموات، 724 نئے کیسز رپورٹ

7:47 PM

25 ستمبر کو ویکسین کی 8 لاکھ سے زائد خوراکیں لگائی گئیں، این سی او سی

2:46 PM

اسلام آباد، آزاد کشمیر، گلگت بلتستان میں 145 کورونا کیسز رپورٹ

1:48 PM

پنجاب میں وائرس سے مزید 811 افراد متاثر، 18 انتقال کر گئے

12:13 PM

لاڑکانہ: ویکسینیٹرز کے بھیس میں خواتین کی گھر میں ڈکیتی

ستمبر 27, 2021 12:07pm

ملک میں اب تک 7 کروڑ 82 لاکھ کووڈ ویکسینز لگادی گئیں

ملک اب تک کورونا وائرس سے بچاؤ کی 7 کروڑ 82 لاکھ ویکسینز لگائی جاچکی ہیں۔

گزشتہ 24 گھنٹوں کے دوران 8 لاکھ ایک ہزار افراد کو ویکسین لگائی گئی۔

ای میل

ستمبر 27, 2021 11:28am

بھارت میں مزید 26 ہزار 41 کورونا کیسز، 276 اموات رپورٹ

بھارت میں گزشتہ 24 گھنٹوں کے دوران 26 ہزار 41 کورونا کیسز، 276 اموات رپورٹ ہوئیں۔

جس کے بعد بھارت میں اب تک رپورٹ ہونے والے کیسز کی تعداد 3 کروڑ 36 لاکھ 78 ہزار 786 جبکہ اموات کی تعداد 4 لاکھ 47 ہزار 194 ہوگئی۔

ستمبر 27, 2021 10:18am

ایسی کوئی تحقیق نہیں جس سے ثابت ہو کہ بوسٹر شاٹ محفوظ ہے، ماہرین صحت

ایسے میں کہ جب دنیا بھر میں کووڈ ویکسین کی بوسٹر خوراک کی مانگ بڑھ رہی ہے، ہیلتھ سروسز اکیڈمی (ایچ ایس اے) میں منعقدہ کانفرنس کے دوران مقررین نے خبردار کیا کہ ویکسین کا مکس اینڈ میچ خطرناک ہوسکتا ہے۔

یونیورسٹی آف ہیلتھ سائنسز کے وائس چانسلر ڈاکٹر جاوید اکرم نے کہا کہ ایک بحث شروع ہوگئی کہ کیا بوسٹر شاٹس لوگوں کو زیادہ تحفظ فراہم کرتے ہیں، میں کہوں کہ عوام کو اس حوالے سے بہت محتاط رہنےکی ضرورت ہے، اگر وہ بوسٹر شاٹ لگوانا چاہیں تو اسی ویکسین کی لگوائیں جو ویکسین انہیں لگ چکی ہے۔

انہوں نے مزید کہا کہ مکس اینڈ میچ (ایک فرد کو ایک سےزائد ویکسین لگانا) خطرناک ہوسکتا ہے کیوں کہ ابھی تک کوئی ایسی تحقیق نہیں جس میں یہ بات ثابت ہو کہ بوسٹر شاٹ محفوظ ہے۔


اس خبر کی تفصیلات یہاں پڑھیں۔

ستمبر 27, 2021 08:21am

ملک میں کورونا وائرس کے ایک ہزار 757 نئے کیسز، 31 اموات رپورٹ

پاکستان میں گزشتہ 24 گھنٹوں کے دوران ایک ہزار 757 افراد وائرس سے متاثر ہوئے جبکہ 31 انتقال کر گئے۔

وائرس کی تشخیص کے لیے 48 ہزار 732 ٹیسٹس کیے گئے جس سے کیسز مثبت آنے کی شرح 3.60 فیصد رہی۔

ستمبر 26, 2021 11:57pm

برطانیہ میں کووڈ-19 کے 32 ہزار 417 نئے کیسز، 58 اموات رپورٹ

برطانیہ میں کووڈ-19 کے 32 ہزار 417 نئے کیسز رپورٹ ہوئے۔

خبرایجنسی رائٹرز کے مطابق برطانیہ میں کورونا سے مزید 58 اموات بھی ہوئیں۔

ستمبر 26, 2021 09:32pm

سندھ میں کورونا سے 15 اموات، 724 نئے کیسز رپورٹ

وزیراعلیٰ سندھ مراد علی شاہ نے کورونا وائرس کی صورت حال سے متعلق بیان میں کہا کہ صوبے میں گزشتہ 24 گھنٹوں میں 15 ہزار 565 ٹیسٹ کیے گئے اور 724 نئے کیسز رپورٹ ہوئے۔

انہوں نے کہا کہ سندھ میں کورونا سے مزید 15 اموات رپورٹ ہوئیں اور کورونا سے اموات کی مجموعی تعداد 7 ہزار 350 ہوگئی ہے جبکہ آج مزید321مریض صحت یاب ہوئے جس کے بعد صحت یاب افراد کی مجموعی تعداد 4 لاکھ 25 ہزار 941 ہوچکی ہے۔

وزیراعلیٰ سندھ نے کہا کہ صوبے میں اب تک 59 لاکھ 68 ہزار 44 ٹیسٹ کیے گئے اور 4 لاکھ 55 ہزار 31 کیسز رپورٹ ہوئے اور اس وقت 21 ہزار 740 مریض زیر علاج ہیں۔

ستمبر 26, 2021 07:47pm

25 ستمبر کو ویکسین کی 8 لاکھ سے زائد خوراکیں لگائی گئیں، این سی او سی

نیشنل کمانڈ اینڈ آپریشن سینٹر (این سی او سی) کے مطابق ملک میں 25 ستمبر کوکورونا ویکسین کی 8 لاکھ ایک ہزار 286 خوراکیں لگائی گئیں۔

بیان کے مطابق اب تک مجموعی طور پر ملک میں 7 کروڑ 82 لاکھ18 ہزار 690 خوراکیں لگائی جاچکی ہیں۔

ستمبر 26, 2021 02:46pm

اسلام آباد، آزاد کشمیر، گلگت بلتستان میں 145 کورونا کیسز رپورٹ

گزشتہ 24 گھنٹوں کے دوران اسلام آباد، آزاد کشمیر، گلگت بلتستان میں مجموعی طور پر 145 کورونا کیسز رپورٹ ہوئے۔

اسلام آباد: 108 کیسز، 5 اموات

آزاد کشمیر: 30 کیسز، ایک موت

گلگت بلتستان: 7 کیسز۔

ستمبر 26, 2021 01:48pm

پنجاب میں وائرس سے مزید 811 افراد متاثر، 18 انتقال کر گئے

صوبہ پنجاب میں کورونا وائرس سے مزید 811 افراد متاثر ہوئے جبکہ 18 مریض دم توڑ گئے۔

اب تک صوبے میں رپورٹ ہونے والے کیسز کی تعداد 4 لاکھ 28 ہزار 394 جبکہ اموات کی تعداد 12 ہزار 553 ہے۔

12:13 PM, Sep 26

لاڑکانہ: ویکسینیٹرز کے بھیس میں خواتین کی گھر میں ڈکیتی

لاڑکانہ: 2 خواتین نے خود کو ویکسین لگانے والے عملے کا رکن ظاہر کر کے گھر کا صفایا کردیا۔

ڈان اخبار کی رپورٹ کے مطابق عدالت میں کام کرنے والے انور دستی نے مقامی صحافی کو بتایا کہ خوتین نے ان کے گھر کے دروازے پر دستک دی اور اپنے آپ کو ہیلتھ ورکر ظاہر کیا، ساتھ ہی ان کی اہلیہ سے کہا کہ گھر کے تمام افراد کو پولیو اور کووڈ 19 ویکسین لگوالیں۔

تاہم جب ان کی اہلیہ نے کہا کہ ان کے گھر کے تمام افراد کو ویکسین لگ چکی ہے تو ایک خاتون نے پستول دکھائی اور زبردستی گھر میں داخل ہوگئیں۔

متاثرہ فرد کا کہنا تھا کہ ڈکیت خواتین اہلِ خانہ کو اسلحہ کے زور پر یرغمال بنا کر 6 تولہ سونے کے زیورات اور 6 لاکھ 30 ہزار روپے نقد لوٹ کر فرار ہوگئیں۔